Жалал-Абад облусуна жаңы эл аралык аэропорт куруу маселеси каралууда. Бул тууралуу министрлер кабинетинин төрагасы Акылбек Жапаров Asman Airlines компаниясынын биринчи учагын Бишкекте тосуп алуу учурунда айтты.Ал соңку үч жылда "Манас" аэропорту болуп көрбөгөндөй ийгиликтерге жетишип, компаниянын таза кирешеси 2019-жылдагы 2 миллиард 108 миллион сомдон 2023-жылы 6 миллиарддан ашканын белгилеген. "2023-жылы инвестициялык активдүүлүк 5 миллиард 368 миллион сомду түзүп, жеке каражаттын эсебинен "Асман аба жолдору" авиакомпаниясы үчүн эки Q 400 жана "Эйр кей джи" авиакомпаниясы үчүн бир Beechcraft King Air 360 учактарын сатып алууга мүмкүнчүлүк түздү. Бүгүнкү күндө дагы бир Q 400 учагы сатып алынды", — деди Жапаров. "Каракол", "Казарман", "Кербен", "Талас", "Нарын" аэропорттору реконструкцияланып, жаңы авиакаттамдарды ачууга мүмкүнчүлүк түзүлдү. Ошондой эле Жалал-Абадда жаңы эл аралык аэропорт куруу маселеси каралууда", — деди минкаб башчысы.
Ош шаарында эркек киши мурунку аялын жумушуна барып сабаганын Sputnik агенттигине калаанын Ички иштер башкармалыгы билдирди.Окуя 3-сентябрь күнү болгон. Анда эркек киши ашканада ашпозчу болуп иштеген 32 жаштагы мурдагы аялынын жумушуна келип кол көтөргөн."Киши мурунку аялынан балдарынын туулгандыгы тууралуу күбөлүгүн сурай баштаган. Аял ага документтерди берүүдөн баш тартып, ортодо чыр чыккан. Мурдагы күйөөсү аялды уруп баштаган. Ызы-чууну уккан курулушчулар жабырлануучуга жардамга келип, күйөөсүн сабап салышкан. Ал учурда ооруканада жатат. Жабыркаган аял мурдагы күйөөсүнө, ал эми күйөөсү аны сабаган эркектерге каршы арыз жазды. Эки факт боюнча соттук-медициналык экспертиза дайындалып, анын жыйынтыгы менен тиешелүү чечим чыгарылат. Жубайлар төрт жыл мурун ажырашып, төрт балалуу болушкан. Аялга коргоо ордери берилди", — деди милиция.
Кремль кыргыз бийлигинин "Талибан"* кыймылын террордук уюмдардын тизмесинен чыгаруу боюнча чечимин туура түшүнөт. Бул тууралуу Россия президентинин маалымат катчысы Дмитрий Песков билдиргенин РИА Новости жазды. "Мунсуз кандайдыр бир байланыш түзүү мүмкүн эмес. Алар менен байланышты үзүп койгон дагы болбойт. Ошондуктан биз мындай чечимди түшүнүү менен кабыл алабыз", — деди Песков. Бүгүн, 6-сентябрда, Кыргызстан "Талибанды"* террордук уюмдардын тизмесинен чыгарганы кабарланган.
Россиянын тышкы иштер министри Сергей Лавров Грузия жетекчилигинин саясаты улуттук грузин иденттүүлүгүн түшүнүүгө жана либералдык демократиянын баалуулуктарынын зыяндуулугун аңдоого байланыштуу жүрүп жатканын айтты. Бул туурасында ал РБК медиахолдингине берген маегинде белгилегендигин РИА Новости жазды.Буга чейин Грузиянын парламенти көпчүлүк добуш менен экинчи окууда ЛГБТны* пропагандалоого каршы мыйзамдардын пакетин кабыл алган. 14-майда парламент нааразылыктарга карабай чет элдик таасирдин ачыктыгы боюнча мыйзамды үчүнчү окууда жактырган. Чет элдик агентттер боюнча мыйзамды кабыл алуу аталган өлкөдө Батыштын нааразылыгын жараткан.