БИШКЕК, 3-сен. — Sputnik. Чүйдө үрөй учурган жол кырсыгынан көз жумгандардын экөө 9 жана 1 жаштагы бөбөктөр болгон. Бул тууралуу ЖКККББдан билдиришти.
Эске салсак, 1-сентябрда Ивановка айылынын тушунда беш машина кагышкан жол кырсык катталган. Анда 10 адам каза болгону кабарланган.
Кырсыктан Mercedes-Benz Sprinter үлгүсүндөгү бустагы беш адам каза тапкан. Алар туугандар экени, бешөөнүн экөө 9 жана 1 жаштагы бөбөктөр экени айтылды. Ал эми Subaru Outback автоунаасынын эки жүргүнчүсү көз жумган. Toyota Camry машинасынан үч адам мерт болгон. Жалпы алты киши ар кандай жаракаттарды алган.