БИШКЕК, 24-авг. — Sputnik. Бишкектин Профсоюз көчөсүндө жайгашкан күйүүчү май сакталган кампада чыккан өрт өчүрүлдү. Бул тууралуу ӨКМ билдирди.
Маалыматта кампа менен кошо Ford Transit үлгүсүндөгү автоунаа күйүп кеткени айтылат. Өрттүн жалпы аянты 150 чарчы метрди түзгөн.
Өрттү өчүрүүгө саат 12:10дон тарта жалпы беш эсеп, бир суу ташуучу унаа жана штаб тартылган. Жалын саат 14:58де чектөөгө алынып, 16:34тө толук өчүрүлдү.