БИШКЕК, 13-авг. — Sputnik. Бүгүн эртең менен Париж Олимпиадасына барган спортчулар кайтып келишти. Аларды "Манас" аэропортунан чоң салтанат менен тосуп алышты.
Спортчуларга арналган азем Өкмөт үйүнүн алдында уланат. Ага президент Садыр Жапаровдун катышары күтүлүүдө.
Париж Олимпиадасы эгемен Кыргызстандын тарыхында эң олжолуусу болду. Спортчулар алты медаль (эки күмүш, төрт коло) тагынышты.