БИШКЕК, 20-июл. — Sputnik. Бишкек мэри Айбек Жунушалиев бүгүн, 20-июлда, ӨКМдин борбор калаадагы башкармалыгынын өкүлдөрү менен биргеликте сел жүрүп кетиши мүмкүн болгон жерлерди текшерип чыкты.
Жунушалиев Аламүдүн, Ала-Арча дарыяларынын жана Чоң Чүй каналынын суу ташкындап кетүү коркунучу бар тилкелерин көрүп келди. ӨКМдин өкүлдөрү шаарга жакын жайгашкан көлдөрдүн абалы тууралуу маалымат беришти. Калаа башчысы тиешелүү кызматтарга суунун жээгин бекемдеп, дарыяларды таштандыдан тазалоону, жээктерге курулган турак жайлардын мыйзамдуулугун текшерүүнү тапшырды.
ӨКМ 23-июлга чейин өлкөдө нөшөрлүү жаан-чачын болорун эскертүүдө. Шаардык кызматтар өзгөчө кырдаалдарга жогорку деңгээлдеги даярдык көрүп жатканы айтылды.