БИШКЕК, 20-июн. — Sputnik. Бишкекте көрнөк-жарнактарды демонтаждоо иштери жүргүзүлүүдө. Бул тууралуу муниципалитеттен билдиришти.
Маалыматка ылайык, эски металл конструкциялары LED экрандарга алмаштырылып жатат.
"Тургундарга ыңгайсыздыктарды азайтуу үчүн мыйзамсыз курулуштарды демонтаждоо иштери ыкчам жүргүзүлүүдө. Жарнамалык структураларды жаңылоо — Бишкекти заманбап жана ыңгайлуу борборго айландыруунун дагы бир кадамы", — деп жазылат маалыматта.
Эске салсак, буга чейин өлкө башчы Садыр Жапаров борбор калааны эски жарнамалык такталардан 31-августка чейин тазалоону тапшырган.