БИШКЕК, 17-июн. — Sputnik. БРИКС оюндарында Кыргызстандын ушу-таолу боюнча курама командасы 3 медаль жеңди. Бул тууралуу Дене тарбия жана спорт департаментинен билдиришти.
Ага ылайык, кыз-келиндер арасында Элес Көкүмбек кызы кош байге — күмүш жана коло медаль алса, Айсалкын Ташматова 3-орунду ээлеген.
Жалпысынан Кыргызстандын курама командасынын байге куржунуна 12 медаль түштү. Анын 10у — коло, экөө — күмүш. Медалдардын саны боюнча Кыргызстан 15-орунда турат. Республиканын атынан 100дөн ашуун спортчу барган.
БРИКС оюндары Казань шаарында өтүүдө.
