БИШКЕК, 14-июн. — Sputnik. Sputnik эл аралык маалымат агенттиги "Флот-2024" көргөзмөсүнүн медиаөнөктөшү болду.
Иш-чара 19-июндан 23-июнга чейин Кронштадт шаарында Аскер-деңиз даңкы музейинин аймагында өтөт.
Уюштуруучулар — Россия Федерациясынын Өнөр жай жана соода министрлиги менен Коргоо министрлиги.
Экспозицияда кеме куруу, курал-жарактар, согуштук башкаруу системалары, навигация жана байланыш, кеме электр станциялары, деңиз авиациясы, көмөкчү инфраструктура, жаңы технологиялар жана алдыңкы материалдар көрсөтүлөт.
Беш күндүн ичинде тегерек столдор, конференциялар, пленардык жыйындар, инновациялык ачылыштардын презентациялары өтүп, деңиз тармагын өнүктүрүүнүн актуалдуу маселелери талкууланат.
"Флот-2024" иш-чарасында кемелер, катерлер, курал-жарактар жана аскердик техникалар көрсөтүлөт. Командирлер менен экипаж өкүлдөрү иш-чаранын катышуучуларына кемелердин тарыхы, жабдуулары жана согуштук мүмкүнчүлүктөрү жөнүндө айтып берип, кызыктуу экскурсияларды өткөрүшөт.
Sputnik эл аралык медиаөнөктөш катары "Флот-2024" көргөзмөсү тууралуу өзү иш алып барган өлкөлөрдө 25 тилде маалымат берет.