БИШКЕК, 14-июн. — Sputnik. Казань шаарында өтүп жаткан БРИКС оюндарында самбочу Канышай Аманкулова коло медалга ээ болгонун Маданият министрлиги билдирди.
Маалыматта кыргызстандык спортчу 59 килограммга чейинки салмак категориясында күч сынашканы айтылат. Коло үчүн беттеште Аманкулова вьетнамдык атаандашын жеңип алды. Бул — Кыргызстандын БРИКС оюндарындагы алгачкы медалы.
Эскерте кетсек, 12-июнда старт алган ири спорттук иш-чарага Кыргызстандан 100дөн ашуун спортчу барган. Алар спорттун 14 түрү боюнча ат салышууда.