БИШКЕК, 3-июн. — Sputnik. Баткен шаарында Коргоо министрлигинин аскерлери Кара-Кыргыз автономиялуу облусунун юбилейине карата концерт коюшту. Бул тууралуу министрликтин маалымат кызматынан билдиришти.
Мындай иш-чаралар өлкөнүн бардык дубандарында өтүп, эми Ош, Жалал-Абад облустарында болот.
Концертке борбордук жана аймактык аскер үйлөрүнүн артисттери жана Коргоо министрлигинин оркестринин музыканттары катышкан.
52870 аскер бөлүгүнүн командачылыгы жана Баткен шаардык мэриясынын жетекчилиги концерттин уюштуруучуларына жана айрым катышуучуларына ыраазычылык каттарын тапшырышты.