БИШКЕК, 24-май — Sputnik. Дүйнөдө кайрадан глобалдык чыр-чатак чыгуу коркунучу жаралды. Бул тууралуу КМШнын башкы катчысы Сергей Лебедев билдирди.
"Тилекке каршы, дүйнөдө кайрадан глобалдык чыр-чатак чыгуу коркунучу турат. Анын жарчысы Украинадагы геосаясий тирешүү гана эмес, Жакынкы Чыгыштагы абал, неонацисттик идеологиянын жана ксенофобиялык маанайдын жайылышы болуп жатат. Ушул фондо эл аралык террористтик уюмдар активдешүүдө", — деген Лебедев.
Анын КМШга мүчө мамлекеттердин коопсуздук органдарынын жана атайын кызматтарынын жетекчилер кеңешинин 54-жыйынынын катышуучуларына жасаган кайрылуусун биринчи орун басары Леонид Анфимов окуду.
Башкы катчынын айтымында, "Крокус сити холлдогу" теракт КМШдагы интеграциялык процесстерге чакырык болуп калды.
