БИШКЕК, 19-май — Sputnik. Күн ысыкта, короо, огороддо жумуш күчөгөндө колго кам көрүүнү унутпоону дерматолог Юлия Галлямова Sputnik радиосуна курган маегинде эскертти.
Адистин айтымында, күн катуу тийген учурда колдун териси тез кургайт, ага бат-баттан нымдаштыруучу крем сүйкөп туруу керек.
"Колго кам көрүүдө ага түнкүсүн крем коюп коюу менен эле чектелбеш керек. Колду химикаттардан сактоо зарыл. Идиш жууганда, үй жыйнаганда кол кап кийип алган туура. Сыртка чыгарда да крем коюу кажет. Колго кремди бат-баттан коюп туруу үчүн жеңил сиңгендерин тандаган оң", — деген дерматолог.
Адис унаа башкаргандар болсо күн тийген тараптагы колго күндөн коргоочу крем коюуну сунуштайт. Ал эми огороддо, талаада жумуш баштагандан мурун колго крем коюп, кол кап кийүүнү эскертет. Эгерде кол кап резинадан болсо көп узатпай чечип, кайра кийүү туура.
Дерматолог айрым кыз-келиндер колун кургап кетүүдөн сактап самын менен жуубай коюшарына токтолуп, муну туура эмес деген. Айтымында, болгону колду кир самын менен жуубаш керек. Бирок самын колдонуп, андагы кирди кетирүү кажет. Суюк самындардын колдун терисине зыяны аз. Башкысы, аны жуугандан кийин крем сүйкөгөндү унутпоо эскертилди.