БИШКЕК, 15-май — Sputnik. Өзгөчө кырдаалдар министрлигине мобилдик барокамера тапшырылды.
Мекемеден билдиришкендей, аны кабыл алуу иш-чарасына министр Бообек Ажикеев, Түркиянын Кыргызстандагы элчиси Ахмет Садык Доган, ТИКАнын төрагасы Серкан Каялардын жана куткаруучулар катышкан.
Мындай техника буга чейин өлкөдө жок болгондуктан суучулдарга тиешелүү шарт түзүлбөй келгени белгиленди.
Барокамера 10 метрден 50 метрге чейин чумкуп чыккандан кийин суу астындагы абанын басымынан суучулдардын дем алуусун калыбына келтирүү үчүн колдонулат.