БИШКЕК, 5-май — Sputnik. Бак-дарактын түбүн күздө да, жазда да актоо керек. Бул тууралуу ландшафт дизайнери Ольга Воронова Sputnik радиосуна курган маегинде айтып берди.
"Ал түшүндүргөндөй, дарактын дүмүрүн күздө актоо менен суук түшкөн маалдан коргойбуз. Себеби катуу суук болгондо анын кабыктарында жарака кетип, түрдүү инфекция кириши мүмкүн. Мындан улам дарак бара-бара куурап калышы ыктымал. Ал эми жазында бактериялык инфекциялар сөңгөктөн өйдө көтөрүлбөшү үчүн акташат", – деген Ольга Воронова.
Мындан тышкары, дарактын түбүн актоо менен аны түрдүү зыянкечтерден да коргоого болот.
"Дарак чоңбу, кичинеби, көлөмүнө карабай баарынын түбүн актоо сунушталат. Акиташ анын өсүшүнө эч кандай терс таасир бербейт", – деген эксперт.
Ал ошондой эле аба өткөргөн, бирок жамгырда дароо жуулуп кетпей турган акиташ аралашмаларын тандап алуу сунушталарын кошумчалаган.