БИШКЕК, 21-апр. — Sputnik. АКШ парламентинин төмөнкү палатасы Украинага дээрлик 61 миллиард 840 миллион долларлык кошумча жардам берүү жөнүндө мыйзам долбоорун кабыл алганын Sputnik радиосу РИА Новостиге таянып билдирди.
Эми аны жогорку палата (Сенат) бекитип, президент Жозеф Байден кол коюшу керек. Мындан тышкары, Өкүлдөр палатасы Тайвань менен Израилге аскердик жардам берүү тууралуу мыйзам долбоорлорун кабыл алган.
"Киевге аскердик жардам берүү – террорчулукту түздөн-түз каржылоо, Тайванга Американын жардам берүүсү – Кытайдын ички иштерине ачык эле кийлигишүүсү, ал эми Израиль тууралуу айтсак, бул жерде кеп аймактагы курч абалдын мындан да курчушу тууралуу болот", – дешкен Россия ТИМинен.
Бул арада Wall Street Journal АКШнын жаңы жардамы Украинадагы абалды түп-тамырынан бери өзгөртүп жибере албастыгын жазган.