БИШКЕК, 19-апр. — Sputnik. Борбор калаадагы "Мадина" базарындагы коомдук тамактануучу жайлар ээлеринин ыктыяры менен демонтаждалууда. Бул тууралуу Бишкек мэриясынан билдиришти.
Маалыматка ылайык, калаа башчысы Айбек Жунушалиев муниципалдык аймакка чыгып кеткен объектилерди бузуу процессин текшерген. 2-мартка чейин 186 чарчы метр муниципалдык жер бошотулуп, иштер уланып жатканы белгиленди.
"Борбор калаанын башчысы объектилерди алууну тездетүүнү тапшырды. Алардын ордуна тротуар түшүп, жол реконструкцияланат", — деп жазылат маалыматта.
Ошондой эле Свердлов районунун акимине айланасын көрктөндүрүү, ал эми "Бишкек жарык" муниципалдык ишканасына электр чубалгыларын талапка ылайык келтирүү тапшырылганы кошумчаланды.