БИШКЕК, 17-апр. — Sputnik. "Вконтакте" социалдык баракчасы менен Telegram мессенжеринин негиздөөчүсү Павел Дуров америкалык белгилүү журналист Такер Карлсонго маек берди.
Айтымында, АКШнын чалгын кызматтары анын кол астында иштеген инженерди өздөрүнүн пайдасына азгырууга аракет кылышкан.
"Мен АКШга соңку ирет барганымда жанымда Telegram мессенжеринде иштеген инженерим болгон. Киберкоопсуздуктун кызматкерлери мага билгизбей аны ишке алууга аракет кылышыптыр", — деди Дуров.
Ал ошондой эле АКШга барганда аны атайын кызматтын өкүлдөрү аэропорттон тосуп алып, ал тургай ижарага алган үйүнө чейин келишкенин кошумчалады.