БИШКЕК, 15-апр. — Sputnik. Бишкекте Улуу Ата Мекендик согуштагы Жеңиштин 79 жылдыгына арналган жыйын-реквием өтөт. Бул тууралуу Коргоо министрлигинен билдиришти.
Маалыматка ылайык, анын жүрүшүндө "Өлбөс полк" акциясын өткөрүү пландалууда.
Иш-чарага ардагерлер, чет мамлекеттердин аккредитацияланган аскердик дипломатиялык корпустарынын, коомчулуктун, жаштардын жана мектеп окуучуларынын катышуусу пландалып жатканы айтылды.
Жыйын-реквием Бишкек гарнизондук бөлүктөрүнүн өздүк курамынын салтанаттуу маршы менен аяктайт.
Мындан тышкары, Куралдуу күчтөрдүн бардык аскер бөлүктөрүндө жана мекемелеринде "Ачык эшик күнү" жана мектептерде Жеңиш күнүнө карата сабактар өткөрүлөрү кошумчаланды.