БИШКЕК, 14-апр. — Sputnik. Кыргызгидромет агенттиги 21-апрелге чейинки аба ырайы тууралуу маалымат берди.
Ага ылайык, келерки аптанын биринчи жарымы өлкө боюнча жаан-чачындуу болуп, күндүн көзү 18-апрелден кийин ачылат.
Чүй жана Талас облустары
14-17-апрель күндөрү көпчүлүк аймактарга жамгыр төгүп, күн күркүрөшү күтүлөт. Синоптиктер 18-20-апрелде күн ачык болорун билдирди.
Ош, Жалал-Абад жана Баткен дубандары
Аптанын башы жаан-чачындуу болот. 16-апрелде айрым жерлерде катуу жамгыр жаайт. Облустарда жума аягы, 17-20-апрель аралыгында, күн ачык болору күтүлүүдө.
Ысык-Көл жана Нарын аймактары
Бул жерлерде дагы алдыдагы жума жамгыр менен башталат. 16-апрелде кээ бир жерлерде катуу жаан-чачын күтүлөт. 18-апрелде (түнкүсүн эске албаганда), 19-20-апрелде күн ачык болот.