БИШКЕК, 11-апр. — Sputnik. Бишкекте күрөштүн үч түрү боюнча Азия биринчилиги башталды.
Баалбандар ар бир түр боюнча 10 салмак категорияда күч сынашат.
11-12- апрелде эркин күрөш, 13-14-апрелде кыз-келиндер, 15-16-апрель күндөрү грек-рим күрөшү боюнча мелдештер өтөт.
Беттештердин башталышы "Бишкек аренада" 11:00дө, ал эми финалдык күрөштөр 18:00дө болот.
Белгилей кетсек, 19-21-апрель күндөрү борбор калаада күрөштүн үч түрү (ар биринде алтыдан салмак категориясы бар) боюнча лицензиялык турнир өтөт.