БИШКЕК, 5-апр. — Sputnik. FIFA категориясындагы кыргызстандык рефери Вероника Бернацкая Олимпиаданын футбол боюнча турниринде калыстык кылат. Бул тууралуу Кыргыз футбол союзунан билдиришти.
Маалыматка ылайык, Олимпиадага эркектердин 16 жана кыз-келиндердин 12 курама командасы катышат.
"Футбол боюнча турнирлер Франциянын "Велодром", "Групама", "Парк де Пренс", "Матмут Атлантик", Жоффруа Гишар, "Альянц Ривьера", "Божуар-Луи Фонтено" стадиондорунда өтөт", — деп айтылат маалыматта.
Белгилей кетсек, Олимпиада оюндары 24-июлдан 10-августка чейин Францияда өтөт.