БИШКЕК, 25-мар. — Sputnik. Москванын Басман соту “Крокус сити холлдогу” терактыга байланыштуу дагы үч адамды камакка алганын РИА Новости жазды.
Маалыматка ылайык, Аминчон, Диловар жана Исроил Исмоиловдор 22-майга чейин камакка болушат. Сот жабык эшик артында өткөн. Айыпталып жаткандар бир туугандар менен атасы экени кошумчаланды.
“Диловар Исломов Душанбеде туулуп өскөн, Россиянын жараны. 1999-жылы туулган, таксист болуп иштейт. Тергөө комитетинин маалыматы боюнча, буга чейин терактыны жасоого айыпталып кармалгандардын бири Шамсидин Фаридуни Диловар Исломовду кылмыштуу топко 2024-жылдын 11-мартына чейин, ал эми Аминчон Исломовду ушул жылдын январына чейин аралаштырган”, — деп айтылат маалыматта.
Мындан тышкары, Диловар кылмышкерлер качууга аракет кылган Renault үлгүсүндөгү унаасын сатып жибергени маалым болду.
Буга чейин теракт жасоого айыпталган төрт адам камакка алынган эле.