БИШКЕК, 21-мар. — Sputnik. Үстүбүздөгү жылдын 21-22-мартында күтүлүп жаткан нөшөрлүү жаан-чачынга байланыштуу өлкөнүн айрым жерлеринде дарыялардагы суунун деңгээли көтөрүлүп, сел жүрүшү мүмкүн. Бул тууралуу Кыргызгидромет маалымдады.
Синоптиктердин айтымында, бүгүн-эртең катуу жааган жамгырга байланыштуу Чүй, Талас, Ош, Жалал-Абад жана Баткен облустарынын тоо этектериндеги райондорунда сел жүрүшү күтүлөт.
Арыктарды, суу өтүүчү түтүктөрдү жана дренаждык түйүндөрдү тазалап туруу сунушталат.