БИШКЕК, 19-мар. — Sputnik. СССРдин жана Кыргыз ССРинин эл артисти Пётр Фёдорович Шубиндин 130 жылдыгы салтанаттуу белгиленет. Бул тууралуу Маданият, маалымат, спорт жана жаштар саясаты министрлиги билдирди.
СССРдин жана Кыргыз ССРинин эл артисти Пётр Фёдорович Шубин
© Фото / архив Национальной телерадиокорпорации
Маалыматка ылайык, иш-чара 22-мартта саат 14:00дө Токтогул Сатылганов атындагы Кыргыз улуттук филармониясында өтөт. Шубин атындагы Борбордук балдар музыкалык мектебинин 85 жылдыгы да композитордун юбилейи менен кошо белгиленет.
Кош мааракелик иш-чарада музыкалык билим жайынын юбилейине арналган фильм көрсөтүлүп, мектептин тарбиялануучулары кыргыз жана дүйнөлүк композиторлордун чыгармаларын аткарышат.
Петр Шубин – Кыргыз совет композитору, дирижёр, педагог, Кыргыз ССРинин композиторлор союзунун мүчөсү, Кыргыз музыкалык искусствосунун негиздөөчүлөрүнүн бири.