БИШКЕК, 9-мар. — Sputnik. Кыргызстандык белгилүү балбан Жоламан Шаршенбеков Түркиядагы турнирде алтын медаль утту.
Yasar Dogu&Vehbe Emre аттуу эл аралык турнир Анталья шаарында өттү.
Жоламан Шаршенбеков килем бетинде 60 килограмм салмакта күрөшүп, финалга чейин казакстандык, түркиялык, өзбекстандык спортчуларды уткан. Ал эми чечүүчү кармашта ирандык балбанды жеңип алды.
Кыргызстандык балбандар аталган мелдештен жалпысынан алты медаль алды. Курама команданын капчыгында үч алтын, үч коло бар.