БИШКЕК, 8-мар. — Sputnik. Ишемби күнү Талас, Жалал-Абад жана Баткендин тоолуу аймактарында кар жаашы күтүлөт. Республиканын калган региондорунда күн ачык болот. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Абанын температурасы Чүй, Ош, Жалал-Абад, Баткен облустарында 12...17, Талас жергесинде 8...13, Ысык-Көл чөлкөмүндө 3...8, Нарын аймагында -1...4 градус болот.
Термометрдин көрсөткүчү Бишкек жана Ошто 15...17 градуска чейин жетет.