БИШКЕК, 7-мар. — Sputnik. Садыр Жапаров бүгүн, 7-мартта, өлкөнүн массалык маалымат каражаттарынын жетекчилери менен жолугушту. Бул тууралуу президенттин маалымат кызматы билдирди.
Жабык форматта өткөн жолугушуу бир катар жетекчилердин демилгеси менен эң актуалдуу темаларды талкуулоо максатында уюштурулган.
"Иш-чарага телеканалдар, маалымат агенттиктери жана жаңылыктар порталдары сыяктуу медиалардын 40тан ашык өкүлү катышты. Баарлашуу эки сааттан ашык уланган. Анда коом жана медиа үчүн маанилүү маселелердин ар кандай аспектилери каралды", — деп айтылат маалыматта.
Өлкө башчы мамлекеттеги ачык-айкын маалыматтык саясатты камсыз кылуу үчүн ММК өкүлдөрү менен конструктивдүү диалогду улантууга даяр экенин белгилеген.