БИШКЕК, 5-мар. — Sputnik. Жок кылынган кримтөбөл Камчы Асанбектин (Камчы Көлбаев) уюшкан кылмыштуу тобунун издөөдө жүргөн мүчөсү Таалайбек Рысалиев БАЭден кармалды. Бул тууралуу Улуттук коопсуздук мамлекеттик комитети билдирди.
Ал 21-февралда Интерполдун улуттук борбордук бюросу менен биргеликте кармалган.
Атайын кызматтын маалыматы боюнча, Рысалиевге уюшкан топко катышкан деген айып тагылган.
"Бишкектин Биринчи май райондук соту камакка алуу түрүндөгү бөгөт чарасын сырттан тандады. Рысалиев кримтөбөл Көлбаевдин жакын адамы болуп, анын таасиринен пайдалануу менен мыйзамсыз киреше алып турган. Ошол эле учурда менчикке каршы оор кылмыштарды жасаган. Учурда аны Кыргызстанга экстрадициялоо иштери жүрүп жатат", — деп айтылат маалыматта.