БИШКЕК, 3-мар. — Sputnik. Кыргызгидромет агенттиги алдыдагы аптага карата күтүлгөн аба ырайы тууралуу маалымат берди.
Ага ылайык, Бишкек шаарында бүгүн мезгил-мезгили менен кар жаайт. Ошол бойдон жаан-чачын болбойт.
Чүй, Талас облустары
3-мартта көпчүлүк аймактарда кар жаайт. Ошол бойдон күндүн көзү ачылып, 9-мартка чейин турат.
Ош, Жалал-Абад жана Баткен облустары
3-мартта көпчүлүк аймактарда кар аралаш жамгыр жаайт. Андан соң апта аягына дейре күн ачык болот. Абанын температурасы 13 градуска чейин жылыйт.
Ысык-Көл, Нарын облустары
3-мартта көпчүлүк аймактарда, 4-мартта айрым жерлерде кар жаашы күтүлөт. Андан ары 9-мартка чейин жаан-чачын жаабайт.