БИШКЕК, 2-мар. — Sputnik. Жекшемби күнү өлкөнүн көпчүлүк жерлеринде жамгыр, кар, тоолуу райондорунда кар жаайт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Абанын температурасы Чүйдө 0...-5, Талас өрөөнүндө -2...-7, Ош, Жалал-Абад, Баткен жана Ысык-Көл облустарында -2...+3, Нарында -1...-6 градус суук болот.
Бишкек менен Ош шаарында мезгил-мезгили менен кар жаайт. Күндүн табы борбор калаада 0...-2, Ошто +1...+3 градуска жетет.