"Жол" фонду жолдорду реконструкциялоого жумшалчу каражаттарды топтогон мекеме катары 2021-жылы негизделген. Учурда бул багытка тогуз булактан акча бөлүнөт, келечекте анын санын 16га жеткирүү планы бар. Тогуз булактын бири катары суюлтулган газдын салыгынан түшкөн каражат эсептелет. Автотранспортко пайдалануучу суюлтулган газга акциздик салыкты киргизүү жана аны Салык кодексинин өзгөртүүлөрүнө шайкеш келтирүү үчүн мыйзамга өзгөрүүлөр кирди. Анын максаты — жолдорду куруу, реконструкциялоо, күтүү, техникалык жактан күчтөндүрүү. Анда салыктын базалык ставкасы тоннасына 3000 сом деп белгиленген. 2021-жылга карата автогаз импортунун көлөмү 113 миң тоннаны түзгөн. Ал эми 2022-жылдын 10 айына карата 282 миң 46 тонна болгон. Бул жылдан-жылга импорттун өскөнүнөн кабар берет. Андыктан эми күйүүчү майдын акциздик салыгынын 50 пайызы "Жол" фондуна бөлүнүп, ал оңдоп-түзөө жана аны күтүү иштерине сарпталат. Ал эми башка каражат булактары тууралуу ченемдик-укуктук актылар ылайыкташтырылып, иш жүрүүдө", — деди Жороев.