БИШКЕК, 25-фев. — Sputnik. Кыргызстандык сууда сүзүүчү Денис Петрашов брасс ыкмасы менен 200 метрге сүзүү боюнча АКШнын Студенттик ассоциациясынын чемпионатынан (NCAA) күмүш медаль утту. Бул туурасында өлкөнүн Суу спорту ассоциациясы билдирди.
© Фото / пресс-служба Федерации водных видов спорта КР
Ал 200 метр аралыкты 1 мүнөт 51 секундада сүзүп өтүп, марага жеткен.
“Денис – бул ассоциациянын 100 метрге брасс ыкмасында сүзүү боюнча рекорд жаратуучусу. Алдыда ал узак сапарга чыкканы турат. АКШдан Филиппинге учуп келип, эртеси эле суу спорту боюнча XI Азия чемпионатына катышат”, — деп айтылат маалыматта.