БИШКЕК, 22-фев. — Sputnik. Владимир Путин ракета ташыган жаңы муундагы учакка түшүп көргөнүн РИА Новости жазды.
Россиянын президенти стратегиялык Ту-160M учагы конгондон кийин анын күчүнө жана ыңгайлуулугуна баа берген.
"Техника мыкты экен, жаңы муундуку экени сезилип турат! Куралдуу күчтөрдүн курамына кабыл алууга болот", — деди Путин.
Аба техникасы Горбунов атындагы Казань авиациялык заводунун тилкесине конгон. Президент үчүн учуу алдындагы даярдык 45 мүнөткө, учуунун өзү 30 мүнөткө созулган.
Ту-160M — алыскы аскердик аймактарда маанилүү буталарды талкалоого арналып, мурдагы үлгүсүнө салыштырмалуу заманбапташтырылып чыгарылган.
Путин 2005-жылы дагы Ту-160 "Павел Таран" учагына түшүп, беш саат асманда учуп, сынамыкка ракеталар ташталган.