БИШКЕК, 18-фев. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.
Ага ылайык, Бишкекте 19-20-февраль күндөрү кар жаайт, 21инде күн ачылса, кайра 23-февралда жаан жаайт. 24-февралда жаан-чачын күтүлбөйт.
Чүй жана Талас облустары
19-20-февралда көпчүлүк аймактарда кар жаашы мүмкүн. 21-22-февралда күн ачык турат, бирок 23-24-февралда айрым жерлерде кар жаашы болжолдонду.
Ош, Жалал-Абад жана Баткен облустары
Айрым жерлерде туман түшөт. 20-февралга чейин көпчүлүк аймактарда кар жаайт. 21-22-февралда жаан-чачын болбойт. 23-24-февралда айрым жерлерде кар жаашы күтүлөт.
Ысык-Көл облусу
19-20-февралда көпчүлүк аймактарда кар жаашы мүмкүн. 21-февралда айрым жерлерде кар жаайт. 22-февралда күн ачылганы менен кайра эле 23-24-февралда айрым жерлерде кар жаашы ыктымал.
Нарын облусу
18-февралда айрым жерлерде туман түшөт. 19-20-февралда көпчүлүк аймактарда кар жаашы күтүлөт. 21-22-февралда жаан-чачын болбойт. 23-24-февралда айрым жерлерде кар жаай турганы айтылды.