БИШКЕК, 14-фев. — Sputnik. Билим берүү жана илим министрлиги "Электрондук мектеп" тиркемесин жаңылай турганын ведомство жетекчисинин санариптешүү боюнча орун басары Лира Самыкбаева Sputnik агенттигинин маалымат борборунда өткөн брифингде билдирди.
Билим берүү жана илим министрлигинин жетекчисинин санариптешүү боюнча орун басары Лира Самыкбаева
© Sputnik / Акбар Акжигитов
Ал тиркемени "Инфоком" мамлекеттик ишканасы иштеп чыкканын, бирок "айрым параметрлер боюнча туура келбей жатканын" белгилеген.
"Эми бул тиркемени Билим берүү жана илим министрлиги өз колуна алды. Кагазга жазылган кабинет, раписание, электрондук журнал, күндөлүк, мугалимдердин отчеттору тууралуу маалыматтын баары бир жерге чогултулат. Июнда сынап баштап, 1-сентябрда толук кандуу ишке киргизебиз. Модернизацияланган версиясында бардык ыкчам маалымат топтолот", — деди Самыкбаева.
Анын айтымында, негизи министрлик мектепке канча окуучу келип, кандай баа алып жатканын онлайн көрүп турушу керек. Азыркы тапта маалыматтын баары жарым-жартылай автоматташтырылган система менен чогултулуп жатканы белгиленди.