БИШКЕК, 12-фев. — Sputnik. Чолпон-Ата шаарынын И.Б.Ш. аттуу экс-мэринин уюшкан кылмыштуу топтун лидери Камчы Көлбаев менен байланышы бар экени аныкталды. Бул тууралуу УКМК билдирди.
Маалыматка караганда, шектүү мэр болуп турган кезде кызматтык абалын кыянаттык менен пайдаланган.
"Экс-мэр Көлбаевге Чолпон-Ата шаарындагы 10 миллион сомдон ашык каражатка бааланган жер тилкесин берип жибергени аныкталды. Анын үйүн тинтүү учурунда мыйзамсыз сакталган куралдар, ок-дары табылган", — деп айтылат маалыматта.
И.Б.Ш. соттун чечими менен бир айга камакка алынды.