Манастагы "күйкүн" деген сөз кичинеси, баласы, чабалы дегенди түшүндүрөт. Бул тууралуу Нурбек Талантбеков Sputnik Кыргызстан https://sputnik.kg/Radio/ радиосунун "Көөнө сөз" рубрикасында билдирди.
Анын айтымында, эпосто бир тамгасын өзгөртүп койсо такыр башка маани берип калган сөздөр кеңири кездешет.
"Манас" баянындагы "күйкүн" деген сөздү чечмелейли. Ал кичинеси, баласы, айрым учурларда чабалы дегенди түшүндүргөн жагдайлар кездешет. Эпосто мындай сөздөрдүн түрү көп. Өз кезегинде дүйнөлүк масштабдагы окумуштуулар кыргыз тилин изилдеп, анын уникалдуу, бай экенин такташкан. Ошол эле Радлов, Валихановдун учурунда "Манастын" жазылып жатканы жөн жерден эмес. Кыргызда бир тамгасын өзгөртүп койсо такыр башка маани берип калган же контекстке жараша башкача түшүнсө боло турган сөздөр кеңири кездешет", — деди Талантбеков.
Ошондой эле ал көөнө сөздөрдү күнүмдүк колдонууга киргизүү мезгил талабы экенин кошумчалады.