БИШКЕК, 11-фев. — Sputnik. Республикачы сенатор Рэнд Пол "коррупцияга белчесинен баткан режим" катары таанымал Украинага 60 миллиард доллар өлчөмүндө жардам бөлүү мыйзам долбоору америкалыктарды "басынтуу" экенин айтып чыкты. Бул туурауу РИА Новости жазды.
Саясатчы документте Украинанын чек араларын коргоого 300 доллар бөлүү каралып, ошол эле учурда мыйзамсыз мигранттардын агымы байкалган АКШнын түштүк чек арасы көңүл сыртында калып жатканына нааразы.
"Бул мыйзам долбоору — жөн гана катачылык эмес, бул ар бир америкалыкты кемсинтүү. Өзгөчө өзүбүздүн чек арабыз коргоосуз калып, ал эми бийлик фейк реформаларын сунуштагандан башка эч нерсе жасабай жаткан шартта басынтуу катары гана кабыл алынат", — деди жазган Пол соцтармактагы баракчасына.
Эскерте кетсек, алгач Украинага жардамды жандантууга жана Израиль менен Тайванга көрсөтүлө турган колдоого бөлүнчү каражат АКШнын түштүк чек арасындагы абалды жөнгө салуу чараларын финансылоо пакети менен чогуу болчу. Бирок Сенаттагы демократиялык көпчүлүк республикачылар менен чек ара жана миграция тармагын реформалоо боюнча бир пикирге келе албагандан кийин эки маселени эки башка кароону чечкен.
"Бюджеттик мыйзам долбоору буга чейин бөлүнгөн 113 миллиард доллардын үстүнө кошуп 60 миллиард берүүнү камтыйт. Акча коррупцияга белчесинен батканы менен таанымал режимге кеткени жатат. Силердин таман акы, маңдай териңер менен табылган акча — 300 миллион доллар Украинанын чек арасын коргоого багытталмакчы", — деди сенатор.
Мыйзам долбоорун талкуулоону токтотуу боюнча жекшембиде добуш берилиши мүмкүн. Жалпы добушка коюу да ушул күнү ишке ашышы ыктымал. Пол кесиптеши Майк Линин сөзүнө таянып, демократтар документти өз алдынча өткөрө албай турганын, 100 добуштан 41и аны бөгөттөп коюуга жетиштүү экенин айткан.