БИШКЕК, 7-фев. — Sputnik. Бишкекте көп балалуу энелер Баатыр эне ордени жана Эне даңкы медалы менен сыйланышты. Бул тууралуу мэриянын маалымат кызматы кабарлады.
Билдирмеге караганда, мамлекеттик сыйлыктарды аларга шаардын төрт районунун акимдери тапшырып, энелерге ден соолук, бакыт-таалай жана үй-бүлөдө бакубат жашоо каалашкан.
Наам, сыйлык алган энелер:
Биринчи май району боюнча 17 аял Баатыр эне ордени, 13ү Эне даңкы медалын алган;
Октябрь районунда төрт аял Баатыр эне ордени, жетөө Эне даңкы медалы менен сыйланды;
Свердлов районунда 14 аял Баатыр эне ордени, 23ү Эне даңкы медалы менен сыйланды;
Ленин району боюнча 37 аял Баатыр эне ордени, 16сы Эне даңкы медалын алган.