БИШКЕК, 4-фев. — Sputnik. Министрлер кабинетинин төрагасы Акылбек Жапаров Бишкек ТЭЦинин бузулган имараттарын капиталдык оңдоодон өткөрүү тапшырмасын берди. Бул туурасында өкмөттүн маалымат кызматы билдирди.
Министрлер кабинетинин төрагасы Акылбек Жапаров
© Фото / пресс-служба кабинета министров КР / Эргеш Жусубалиев
"Өкмөт башчы жылуулук борборундагы авариянын кесепеттерин жоюу боюнча ыкчам штабдын жыйынын өткөрүп, ТЭЦти модернизациялоо планын иштеп чыгууну тездетүүнү тапшырды", — деп айтышты.
Энергетика министри ТЭЦте учурда 8 от казан, төрт турбогенератор иштеп жатканын, суунун агымы 40тан 61 градуска чейинки температурада берилип жатканын билдирген. Архитектура, курулуш жана турак жай-коммуналдык чарба мамлекеттик агенттигинин директору Нурдан Орунтаев чатырдын 15 миң чарчы метри жарактан чыгып, бүгүнкү күндө 4 300 чарчы метрден ашууну калыбына келтирилгенин айткан.