БИШКЕК, 3-фев. — Sputnik. 4- февраль, жекшембиде, күн ачык болот. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Абанын температурасы Чүй, Ысык-Көл өрөөндөрүндө 0...+5, Талас аймагында 1...+3, Ош, Жалал-Абад жана Баткен облустарында +1...+6 градус жылуу болсо, Нарын жергесинде 0...-5 градус суук болот.
Борбор калаада күндүн табы +3...+5, Ош шаарында +4...+6 градус жылуу болот.