БИШКЕК, 30-янв. — Sputnik. Бишкекте 1-класстын окуучулары 12-февралдан 17-февралга чейин кошумча каникулга тарайт. Бул тууралуу мэриянын маалымат кызматы кабарлады.
Ага ылайык, бөбөктөр бир жума эс алып, окуу кайра 19-февралда башталат.
1-класстын окуучулары үчүн кошумча каникулдарды мэриянын билим берүү департаменти бекиткени кошумчаланды.
Буга чейин Билим берүү министрлиги ар бир регион эс алуу күндөрдүн датасын өз алдынча чечип аларын билдирген.
Ал эми жазгы каникул 21-мартта башталып, 31инде бүтөт. Окуу 1-апрелде башталат.