БИШКЕК, 28-янв. — Sputnik. Кыргызгидромет агенттиги алдыдагы аптага күтүлгөн аба ырайы тууралуу маалымат таратты.
Бишкекте 30-31-январда жана 1-2-февралда түнкүсүн мезгил-мезгили менен кар жаай турганы айтылды.
Чүй
Айдын этегинде 30-31-январда айрым жерлерде кар жаашы күтүлөт. Эртеси, 1-2-февралда дагы, күндүн көзү ачылбайт. 3-февралда жаан-чачын болбойт.
Талас
Аймакта 29-январда күндүз жаан, кар жаашы күтүлөт. Андан кийинки күндөрү дагы жаан-чачындуу болуп, жуманын этегинде күн ачыла баштайт.
Ош, Жалал-Абад, Баткен
28-январда облустагы тоолуу райондордо кар жаап, айрым жерлерде туман түшөт. 29-январда кээ бир жерлерде жаан-чачын катуу жаашы күтүлөт. Божомол боюнча, январдын этегине чейин жаан-чачын токтобойт. Февралдын башталышы менен дагы ушундай эле аба ырайы болмокчу.
Ысык-Көл, Нарын
Эки облуста тең 28-январда жаан-чачын күтүлбөйт. 30-31-январда көпчүлүк аймактарда кар жаай турганы айтылат. 1-2-февраль күндөрү күндүз айрым жерлерде кар жаамакчы. 3-февралда күн ачылат.