БИШКЕК, 26-янв. — Sputnik. Кыргызстан мусулмандарынын Аалымдар кеңеши муфтий Замир Ракиевдин өз каалоосу менен кызматтан кетүү арызын канааттандырды. Бул тууралуу муфтияттын маалымат кызматы кабарлады.
Билдирмеге караганда, Ракиев кызматынан бошотулуп, Кыргызстан мусулмандарынын Аалымдар кеңешинин мүчөлүгүнө кабыл алынган.
Самидин Атабаев
© Фото / пресс-служба ДУМК КР
Кыргызстан мусулмандарынын муфтийинин милдетин Самидин Атабаев аткарып турмакчы.
Замир Ракиевдин кызматтан кеткен себеби азырынча белгисиз. Ал Кыргызстан мусулмандарынын дин башкармалыгынын башчылыгына 2021-жылдын 26-ноябрында шайланган.