БИШКЕК, 25-янв. — Sputnik. Кыргызстандын дзюдо боюнча курама командасы эл аралык мелдешке катышуу үчүн Францияга барат. Бул тууралуу Маданият, маалымат, спорт жана жаштар саясаты министрлиги билдирди.
Спортчулар 2-4-февраль күндөрү Париж шаарында өтө турган Paris Grand Slam мелдешинде күчүн сынайт.
Команданын курамында төмөнкү спортчулар болмокчу:
Кубанычбек Айбек уулу (66 килограмм);
Чыңгызхан Сагыналиев (73 килограмм);
Асад Масабиров (81 килограмм);
Эрлан Шеров (90 килограмм).
Курама команда мелдешке улук машыктыруучу Сергей Кладновдун жетекчилиги алдында катышары кошумчаланды.