БИШКЕК, 15-янв. — Sputnik. УКМК 24KG маалымат агенттигинин кеңсесин тинтүү боюнча билдирүү таратты.
Белгилей кетсек, бүгүн, 15-январда, атайын кызматтын өкүлдөрү редакциянын кеңсесинде тинтүү жүргүзүп, кийинчерээк жетекчилерин суракка алып кеткен.
"Кылмыш-жаза кодексинин 407-беренеси ("Согушту пропагандалоо") боюнча козголгон кылмыш ишинин алкагында 24KG маалымат агенттигинин кеңсеси текшерилген. Анын жыйынтыгында компьютер, ноутбук, кылмыш иши үчүн мааниси бар башка далил болчу буюмдар алынды", — деп айтылат маалыматта.
Учурда ыкчам тергөө иштери уланып жатканы кошумчаланды.