БИШКЕК, 12-янв. — Sputnik. 13-январь, ишембиде, күндүз тоолуу райондордо кар жаайт, дыйканчылык аймактарда күн ачык болот. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Чүй аймагында күндүн табы +8...+9, Таласта +7...+12, Ош, Жалал Абад жана Баткен облустарында +9...+14, Ысык-Көл өрөөнүндө +3...+8 градус жылуу болсо, Нарында -1...-6 градус суук болот.
Абанын температурасы борбор калаада +11...+13, Ош шаарында +12...+14 градуска чейин көтөрүлөт.
