БИШКЕК, 28-дек. — Sputnik. Кыргыз-кытай чек арасындагы "Торугарт" жана "Эркеч-Там" көзөмөл-өткөрүү бекеттери 1-январда жабык болот. Бул тууралуу УКМКнын Чек ара кызматы билдирди.
Маалыматка караганда, пунктулар кытай тараптын демилгесинин негизинде жабылат. Анткени бул күнү Кытайда жаңы жыл тосулат. 2-январдан тарта адамдар, транспорттор жана жүктөр өткөрүлө баштайт.
Чек ара кызматы бул бекеттер иш күндөрү штаттык режимде иштей турганын жана ишемби, жекшемби күндөрү жабыларын эскертти.