БИШКЕК, 26-дек. — Sputnik. Кыргызстанда Орозо айт — 10-апрелде, Курман айт 17-июнда болот. Бул туурасында өкмөт тараткан маалыматта айтылды.
Бүгүн министрлер кабинетинин төрагасы Акылбек Жапаров 2024-жылдын дем алыш күндөрүн которуу жөнүндө токтомго кол койгон.
"2024-жылдын 10-апрели – Орозо айт, 2024-жылдын 17-июну – Курман айт, дем алыш майрам күндөрү", — деп айтылган маалыматта.
Буга чейин айттын качан болорун Кыргызстан мусулмандар дин башкармалыгы айдын чыгышына карап, тактап айтып келген. Бул сапар анын датасы эрте кабарланды.