БИШКЕК, 26-дек. — Sputnik. Бириккен күрөш дүйнөсү (United World Wrestling) кыргызстандык Азат Эркимбаевди грек-рим күрөшү боюнча Азия алкагындагы мыкты машыктыруучу деп атады.
Кыргызстандык устатка бул наам аяктап бараткан 2023-жылдын жыйынтыгы менен ыйгарылды.
Азат Эркимбаев — грек-рим күрөшү боюнча Кыргызстандын курама командасынын башкы машыктыруучусу. UWW эркин күрөш жаатында жылдын мыкты машыктыруучусу ирандык Пежман Доросткар, кыз-келиндер арасындагы мыкты устат япониялык Ре Канехама болгонун билдирген.